18.74c
Երեվան
երկ, հկտ 07
Ուքրանիոյ նախագահ Վլատիմիր Զելենսքին կը կարծէ, որ իր երկրին մէջ առկայ հակամարտութիւնը կրնայ լուծուիլ միայն Ռուսաստանի նախագահ Վլատիմիր Փութինի հետ ուղիղ երկխօսութեան միջոցով:
«Հարցը այն չէ, թէ ես ինչ կրնամ ընել: Որեւէ երկխօսութեան ժամանակ իմ նպատակս է դադրեցնել պատերազմը Ռուսաստանի Դաշնութեան հետ», ըսած է Զելենսքին` պատասխանելով այն հարցին, թէ պատրա՞ստ է արդեօք ճանչնալու Տոնեցքի եւ Լուկանսքի ժողովրդական հանրապետութիւններուն անկախութիւնը, իսկ Ղրիմը՝ որպէս Ռուսաստանի տարածք:
«Պատերազմը դադրեցնելու համար ես պատրաստ եմ որոշակի քայլերու, պատրաստ եմ բանակցելու, պատրաստ եմ փոխզիջումներու: Բայց անոնք չեն կրնար դաւաճանութիւն ըլլալ իմ ժողովուրդին նկատմամբ: Միւս կողմը եւս պէտք է պատրաստ ըլլայ փոխզիջումներու», ըսած է ան:
«Սա միակ ճանապարհն է, որով մենք կրնանք դուրս գալ այս իրավիճակէն: Մանրամասներուն մասին խօսիլը դեռ շատ դժուար եւ շուտ է: Նախագահներուն միջեւ դեռ շփում չէ եղած, եւ մենք կրնանք դադրեցնել այս պատերազմը միայն երկու նախագահներուն միջեւ ուղիղ բանակցութիւններու միջոցով», ըսած է Զելենսքին:
