23.09c
Երեվան
երկ, հնս 30
Ֆրանսայի հայկական կազմակերպութիւններու միութեան (CCAF) խնդրանքով Փարիզի քաղաքապետը հանդէս եկած է նախաձեռնութեամբ՝ կոչ ընելով Ֆրանսայի տարածաշրջանային համայնքներուն մարդասիրական բեռնատարերու շարասիւն կազմակերպել 2022 թ. 12 դեկտեմբերէն շրջափակման մէջ գտնուող Լեռնային Ղարաբաղի Հանրապետութիւն։ Այս մասին յայտնած է Մուրատ Փափազեանը դիմատետրեան իր էջին։
Ծրագիրը կը ֆինանսաւորուի Իլ-տե-Ֆրանս, Օվերն-Ռոն-Ալպ, Օ տը-Ֆրանս, Փրովանս-Ալպեր-Քոթ տ'Լազուր, Պայ տե Լուար շրջաններու եւ Ֆրանսայի բազմաթիւ քաղաքներու կողմէ:
Անն Իտալկոն, Քսավյէ Պերթրանը, Պրունօ Ռեթայոն, Ժաննա Պարսեկեանը, ինչպէս նաեւ Փաթրիք Քարամը եւ Միշել Ռուպիրոլան որոշած են անձնապէս ուղեկցիլ շարասիւնին, որ Լաչինի միջանցք պիտի հասնի 30 օգոստոսի կէսօրին։
CCAF-ը շնորհակալութիւն յայտնած է համայնքներուն նիւթական աջակցութեան, ինչպէս նաեւ այս ծրագրին մէջ ներգրաւուած պաշտօնեաներու քաղաքական խիզախութեան եւ նուիրուածութեան համար:
CCAF-ը Ֆրանսայէն եւ եւրոպական իշխանութիւններէն կը խնդրէ յատուկ դիւանագիտական միջոցներ կիրառել, որ առաջին անհրաժեշտութեան ապրանքներով 10 բեռնատարեր անցնին Ատրպէյճանի սահմանած անցակէտով եւ հասնին իրենց նշանակէտին։
Այժմ, երբ Լեռնային Ղարաբաղի հայ բնակչութիւնը կը գտնուի սովի եզրին, ժամանակն է համերաշխութեան, գործողութիւններու եւ պատժամիջոցներու՝ մեր աչքի առաջ ծաւալող մարդասիրական ողբերգութեան պատասխանատուներու դէմ։
Յիշեցնենք, որ մարդասիրական շարասիւն ուղարկելու գաղափարը յայտարարած էր Ֆրանսայի Օվերն-Ռոն-Ալպեր շրջանի ղեկավար Լորան Վոքէն՝ մարտին Երեւանի մէջ։
