4.09c
Երեվան
շբթ, փտր 21
Իրավիճակը կտրուկ լարուեցաւ, ոստիկանութեան հետ բախումներ տեղի ունեցան, քանի որ վերջինները կը փորձէին պատ կազմելով թոյլ չտալ քաղաքացիներուն մօտենալ Դեմիրճեան փողոցէն ԱԺ մուտքին։ Այս պահուն մեծ թիւով ոստիկանական ուժեր կեդրոնացած են տարածքին մէջ։ Ընդդիմութեան ներկայացուցիչները քաղաքացիներուն յորդորած են չտրուիլ սադրանքին՝ յայտարարելով, որ ցանկացած ոք, որ կը փորձէ մուտք գործել ԱԺ տարածք, ոչ թէ «Հայրենիքի փրկութեան շարժման» համակիր է, այլ իշխանութիւններու կողմէ ուղարկուած սադրիչ։
Նշենք, որ «Հայրենիքի փրկութեան շարժման» վարչապետի թեկնածու Վազգէն Մանուկեանը մինչեւ այդ յորդորեց հանրահաւաքի մասնակիցներուն՝ թոյլ չտալ պատգամաւորներուն մուտք գործել Ազգային ժողովի շէնք։
«Այս ամէնը կարող էր ուրիշ ձեւ լինել, եթէ ունենայինք նախագահ, բայց մենք նախագահ չունենք: Մենք ունենք մի հարուստ զբօսաշրջիկ, որ 5 աստղանի դղեակում է ապրում, որին սպասարկում են 100-ից աւելի մարդիկ: 170 հոգանոց աշխատակազմ ունի: Մեր պիւտճէի հաշուոյն պտտւում է աշխարհով մէկ ու մի օգուտ չբերելով Հայաստանին: Նոյնիսկ եթէ այս րոպէին նա ստորագրի, դիմի ՍԴ, իմ խօսքերն ուժի մէջ են՝ մենք նախագահ չունենք...Մենք շրջափակում ենք Ազգային ժողովը, եւ ԱԺ-ն կ'աշխատի միայն այն ժամանակ, երբ ընդունելու է մեր պետութեան համար յարիր որոշում: Իսկ մինչ այդ փակէք միւս մուտքերը»,– ըսած է ան:
