17.09c
Երեվան
երկ, հնս 09
Հարցին՝ 2026-ին, եթէ Նիկոլ Փաշինեանը իշխանութիւն չձեւաւորէ եւ ընդդիմութեան ուժերէն որեւէ մէկն ալ չյաջողի իշխանութիւն ձեւաւորել, հնարաւոր կ՚ըլլա՞յ դաշինք կազմել, ՀՀ երկրորդ նախագահ Ռոպերթ Քոչարեանը պատասխանած է.
«Այո, ես չեմ կարծում, որ մենք այլընտրանք ենք ունենալու, ի հարկէ, եթէ հարցն այնպիսին է լինելու, որ այս իշխանութիւններից ազատուելու համար պէտք է ձեւաւորել կոալիցիա, այո պէտք է ձեւաւորել: Չեմ կարծում բայց, որ ընտրութիւնների միասին կարող ենք գնալ, նման հնարաւորութիւն չեմ տեսնում: Գոնէ գաղափարական յարաբերութիւնների տեսանկիւնից իրար հետ լաւ կոմունիկացիաներ ունեցող ուժերը կարող են կոալիցիա կազմել, միասին գնալ ընտրութիւնների»:
Երկրորդ նախագահը նաեւ անտրամաբանական համարած է այն կարծքիները, թէ Նիկոլ Փաշինեանը անհնար է հեռացնել ընտրութիւններու միջոցով:
«Անտրամաբանական է, որ ասում են՝ Նիկոլ Փաշինեանին հնարաւոր չէ ընտրութիւնների միջոցով հեռացնել, ի՞նչ է նա Սասունցի Դաւիթն է, չի կարելի նման խօսոյթ բերել: Գիւմրիում դա եղաւ, հնարաւոր է այս մոդելը լինի ուրիշ տեղ»,-ըսած է ան:
