9.09c
Երեվան
հնգ, մյս 07
Չորեքշաբթի, 23 Յունի 2021-ին, Արեւելեան Թեմի բարեջան Առաջնորդ՝ Անուշաւան Արքեպիսկոպոս, ընդունեց Համազգայինի արեւելեան շրջանի նորընտիր Շրջ. Վարչութեան պատուիրակութեան մը այցելութիւնը։ Այս մասին «Արեւելք» կը տեղեկանայ «Համազգային»ի կայքէջէն:
Պատուիրակութեան մաս կը կազմէին Արեւիկ Գաբրիէլեան՝ ատենապետ, Հուրի Սամուէլեան՝ գանձապահ, Վարդիվառ Քէշիշեան եւ Մարուշ Նայկոն՝ խորհրդականներ։
Սրբազան Հայրը շնորհաւորեց նորընտիր վարչականները եւ յաջողութիւն մաղթեց ապագայ աշխատանքներուն մէջ։ Հ
ամազգայինի գործունէութիւնը եւ Առաջնորդարանի հետ համագործակցութեան հնարաւորութիւնները քննուեցան հանդիպումին ընթացքին, որուն ներկայ էին նաեւ Արժ. Տ. Մեսրոպ Քհն. Լագիսեան՝ Ս. Լուսաւորիչ Մայր Եկեղեցւոյ հոգեւոր հովիւ, դոկտ. Վարդան Մատթէոսեան՝ Ազգ. Առաջնորդարանի դիւանապետ, եւ Բարշ. Տ. Շանթ Ա. Սրկ. Գազանճեան՝ Առաջնորդարանի Քրիստոնէական Դաստիարակութեան բաժանմունքի տնօրէն։
