-1.91c
Երեվան
ուրբ, հնվ 02
Խօսք առնողները նաեւ նշեցին, որ Արցախի անվտանգութիւնը, ինչպէս նաեւ Արցախը Ատրպէյճանի կազմին մէջ ըլլալու մասին խօսակցութիւնները կտրականապէս մերժելի են եւ ընդդիմութիւնը բոլոր թոյլատրուած միջոցներով պիտի պայքարի այդ մօտեցումներուն դէմ:
Քիչ առաջ Երեւանի Ազատութեան հրապարակին վրայ իր աւարտին հասաւ Հայաստանի ընդդիմութեան հրաւիրած հանրահաւաքը: Այս մասին «Արեւելք» տեղեկութիւն ստացաւ Երեւանի իր աղբիւրէն:
Մեր աղբիւրը նաեւ նշեց, որ հազարաւոր հայրենակիցներ այսօր փութացած էին հասնիլ Ազատութեան հրապարակ ներկայ ըլլալու Արցախի զօրակցութեան համար տեղի ունեցած հանրահաւաքին:
Կը նշուի նաեւ, որ հանրահաւաքի ընթացքին ելոյթներով հանդէս եկան ընդդիմադիր ՀՀԿ կուսակցութեան, «Հայաստան» դաշինքի, ինչպէս նաեւ Հայ Յեղափոխական Դաշնակցութեան ներկայացուցիչները: Խօսք առնողները բոլորն ալ շեշտեցին, որ Արցախի անվտանգութիւնը ամբողջ հայ ժողովուրդի եւ Հայաստանի անվտանգութիւնն է: Անոնք նաեւ ներկայացուցին քաղաքական ընդհանուր պատկերը յայտարարելով, որ դէմ են որեւէ մակարդակի տեղի ունենալիք զիջումին, շեշտը դնելով նաեւ այն հանգամանքին վրայ, որ այսօրուայ իշխանութիւնները անպայման պէտք է հեռանան:
Խօսք առնողները նաեւ նշեցին, որ Արցախի անվտանգութիւնը, ինչպէս նաեւ Արցախը Ատրպէյճանի կազմին մէջ ըլլալու մասին խօսակցութիւնները կտրականապէս մերժելի են եւ ընդդիմութիւնը բոլոր թոյլատրուած միջոցներով պիտի պայքարի այդ մօտեցումներուն դէմ:
