image

Ալիեւ կարգադրած է բռնագրաւուած Ստեփանակերտի մէջ «Ղարաբաղի համալսարան» ստեղծել

Ալիեւ կարգադրած է բռնագրաւուած Ստեփանակերտի մէջ «Ղարաբաղի համալսարան» ստեղծել

Բռնագրաւուած Արցախի Հանրապետութեան մայրաքաղաք Ստեփանակերտի մէջ պիտի ստեղծուի այսպէս կոչուած «Ղարաբաղի համալսարան»: Ինչպէս հաղորդած են ատրպէյճանական լրատուամիջոցները, համապատասխան հրամանագիրը ստորագրած է Ատրպէյճանի նախագահ Իլհամ Ալիեւը։

«Ստեղծել Ատրպէյճանի գիտութեան եւ կրթութեան նախարարութեան կից «Ղարաբաղի համալսարան» հանրային իրաւունքի իրաւաբանական անձ», -ըսուած է փաստաթուղթին մէջ։

Ատրպէյճանի նախարարներու գրասենեակին յանձնարարուած է երկամսեայ ժամկէտի մէջ հաստատել համալսարանի կանոնադրութիւնը, ձեռնարկել անհրաժեշտ միջոցներ համալսարանի գործունէութիւնը ֆինանսաւորելու համար, լուծել համալսարանը հողատարածքով, ուսումնական մասնաշէնքով եւ հանրակացարանով, մարզահրապարակով եւ այլ ենթակառուցուածքներով ապահովելու հարցերը։