19.09c
Երեվան
հնգ, մյս 07
Թուրքիոյ «Քաղաքաշինութեան եւ շրջակայ միջավայրի պահպանութեան» նախարարութիւնը բացատրութիւն տուած է HDP կուսակցութեան եւ երկրի խորհրդարանի հայ անդամ Կարօ Փայլանի հարցումին՝ Տիգրանակերտի (Տիարպէքիր) Սուր թաղամասին մէջ գտնուող եկեղեցիներու յետագայ տնօրինման եւ ճակատագրին վերաբերեալ: Նշենք, որ 25 մարտի 2016-ին Տիգրանակերտի Սուր թաղամասին մէջ տեղի ունեցած բախումներու հետեւանքով վնաս կրած էր նաեւ Սուրբ Կիրակոս հայկական եկեղեցին: Պետական մարմինները որոշում կայացուցած էին եկեղեցին եւ անոր տարածքը պետականացնելու վերաբերեալ: Ի պատասխան Կարօ Փայլանի հարցադրման,նախարարութիւնը նշած է, թէ եկեղեցին չպէտք է ծառայէ այլ նպատակի եւ վերանորոգումէն ետք դարձեալ պիտի բացուին անոր դռները : Տրուած պատասխանին մէջ նաեւ կը նշուի, որ եկեղեցւոյ պետականացումը չենթադրեր,որ եկեղեցիները պէտք է փակուին եւ խօսք չի կրնար ըլլալ մշակութային ժառանգութեան ոչնչացման մասին:
Լուրի աղբիւր ՝ «Ակօս»
