17.09c
Երեվան
չրք, հկտ 14
Տանըլտ Թրամբի նախագահ դառնալէն ետք, Թուրքիան լրացուցիչ փաստաթուղթերու փաթեթ ներկայացուցած է ԱՄՆ-ի արդարադատութեան նախարարութիւն, ամերիկաբնակ միլիառատէր, իսլամի քարոզիչ Ֆէթհուլլա Կիւլէնին արտայանձնելու համար:
Կը նշուի, որ ուղարկուած փաթեթին մէջ տեղ գտած են այնպիսի փաստաթուղթեր, որոնք կ'ապացուցեն Կիւլէնի մեղաւորութիւնը 15 յուլիսին տեղի ունեցած յեղաշրջման փորձին մէջ: Մասնաւորապէս, տեղեկատուութիւն ներկայացուած է Թուրքիոյ Սաքարիայի համալսարանի դասախօս Ատիլ Օքսուզի տեղաշարժերու մասին, որ, Թուրքիոյ իշխանութիւններուն համաձայն, կը համակարգէր Կիւլէնի կողմնակիցներու գործողութիւնները:
Օքսուզը Ներկայիս կը գտնուի հետախուզման մէջ: Ուշադրութիւն կը դարձուի այն փաստի վրայ, որ յուլիսի 12-ին, յեղաշրջման փորձէն 3 օր առաջ, Օքսուզ ԱՄՆ այցելած էր :
