12.09c
Երեվան
հնգ, հկտ 08
Աւստրիոյ եւ Թուրքիոյ միջեւ ծագած դիւանագիտական լարուածութեան զարգացման հետեւանքով, Թուրքիա խորհրդակցութեան նպատակով իր մօտ կանչած է Վիէննայի իր դեսպանը: Այս կապակցութեամբ Թուրքիոյ արտգործնախարար Մեւլութ Չաւուշօղլուն, պատճառաբանելով դեսպան կանչելը, նշած է, որ Աւստրիան վերածուած է Եւրոպայի մէջ հակաիսլամական կենդրոնի:
Չաւուշօղլու դժգոհութիւն յայտնած է այն փաստի առթիւ, որ Աւստրիոյ մէջ արգելուած էր Թուրքիոյ աջակցող խաղաղ ցոյց իրականացնելը, եւ աւելի ուշ «Քուրտիստանի բանուորական կուսակցութեան» (PKK) կազմակերպած ցոյցը Վիէննայի մէջ թոյլատրուած էր:
Նշենք նաեւ, որ անցեալ շաբաթ Վիէննայի օդակայանին մէջ «Kronen Zeitung» թերթի կողմէ տեղադրուած էր հետեւեալ հակաթուրքական յայտարարութիւնը. «Դուք գիտէի՞ք, որ Թուրքիան կ'արտօնէ սեռական յարաբերութիւններ ունենալ 15 տարին չամբողջացուցած երեխայի հետ»: Թուրքիան խիստ արձագանգ ցուցաբերած էր այս կապակցութեամբ, որուն ի պատասխան Աւստրիոյ արտգործնախարարութիւնը վկայակոչած էր մամուլի ազատութեան սկզբունքը:
