14.09c
Երեվան
հնգ, հկտ 22
Շուէտի մայրաքաղաք Սթոքհոլմի «Քարոլինսքա» առողջապահական հիմնարկը յայտարարած է, որ անցնող տարուան ընթացքին Շուէտի մէջ 12 անօթեւան փախստական երեխաներ անձնասպանութեան դիմած են:
«Sky News» լրատուական կայքին փոխանցմամբ, յիշեալ երեխաներն իրենց կեանքի ընթացքին հոգեկան ծանր ապրումներ ունեցած են, եւ բռնութիւններու, դաժան վերաբերմունքի ենթարկուած են:
Աղբիւրը նշած է նաեւ, որ երեխաներուն մեծ մասը աֆղաններ են, որոնց փախստականի կարգավիճակ ստանալու դիմումները մերժուած են:
Յատկանշական է, որ անցնող երկու տարիներուն ընթացքին Շուէտ մուտք գործած 35 հազար երեխաներէն մօտ 3400-ը ուղեկից ու խնամակալ չունի:
