17.09c
Երեվան
չրք, ապր 29
Ազատազրկուած պոլսահայ լրագրող Սեւան Նշանեանին մենախուց տեղափոխելու որոշումը թրքական դատարանը չեղարկած է։ Նշանեանին քանի մը դէպքի առընչութեամբ կարգապահական տոյժերու ենթարկելու մասին գործերու քննութիւնը պիտի շարունակուի 3 մարտին։ Ինչպէս կը տեղեկացնէ CNN Turk-ը, անոր կը մեղադրեն «բանտի մէջ համացանց ապահովող սարք մտցնելու», «կաշառք առաջարկելու», «ոչ պատշաճ ճանապարհով նամակ ուղարկելու» համար։
Նշանեանը դատավարութեան մասնակցած է տեսակապի միջոցաւ եւ յայտարարած է, որ չ'ընդունիր իրեն ուղղուած մեղադրանքները։ Նշանեանը ազատազրկուած էր Իզմիրի Շիրինճի գիւղի մէջ իրեն պատկանող հողատարածքին մէջ ապօրինի շինութիւններ կառուցելու համար։ Այդ մեղադրանքով ան 11 տարի 1 ամիս ազատազրկման դատապարտուած է։
