Նախօրօք «Արեւելք» տեղեկութիւն փոխանցած էր Ղընէմյէի հայկական եկեղեցւոյ եւ գերեզմանատան դէմ կատարուած վանտալիզմին մասին: Այդ մասին առաջին անգամ տեսերիզ մը հրապարակած էր «Ալ Մանար» կայանի լրագրող Սոմար Հաթէմ: Այսօր Հալէպի «Գանձասար»ը հրապարակած է Սուրբ Գէորգ եկեղեցւոյ, անոր կից գտնուող սրահին եւ գիւղի գերեզմանատան նոր լուսանկարները, ուր երեւելի կը դառնայ ահաբեկիչ զինեալներուն հասցուցած վնասը եւ ըրած բարբարոսութիւնը հայկական կառոյցներուն դէմ:


