8.09c
Երեվան
ուրբ, մյս 08
Հակառակ անցնող 48 ժամերուն ընթացքին Հալէպի մէջ գրանցուած մարտերուն, յառաջիկայ օրերուն յաւելեալ թէժացում կը սպասուի: Այս մասին խօսած են Սուրիոյ պատերազմին հետեւող տասնեակ աղբիւրներ: Իր կարգին «Ալ Մաստար» կայքը կը փոխանցէ, որ իսլամիստ գրոհայիններ մեծ կուտակումներ կատարած են Հալէպի «Պոստան Ալ Փաշա» շրջանին մօտ, եւ շուրջ 2500 իսլամիստ ահաբեկիչներ հասած են շրջան: Կը փոխանցուի, որ այդ շրջաններուն մէջ տեղակայուած իսլամիստ ուժերուն մէջ մեծագոյն ջոկատները կը պատկանին «Ժէշ Ալ Ֆաթհ» խմբաւորման: Նշենք, որ անցնող ժամերուն Սուրիոյ բանակը ծանր մարտեր մղելէ ետք 4 տարուան մէջ առաջին անգամ ըլլալով յաջողեցաւ ճեղքել «Պոստան Ալ Փաշա»ի օղակը, յառաջանալ ու դիրքեր վերցնել ռազմական մեծ կարեւորութիւն ներկայացնող հատուածին մէջ:
Այդ յառաջխաղացումին դիմաց ծանր հրթիռարձակումներ եղած էին Հալէպի խաղաղ բնակչութեան հատուածներուն վրայ, ուր տասնեակ զոհերուն կողքին, նոյնպէս զոհուած էին նաեւ 5 հայեր:
Հալէպի մէջ այսօր ալ կը տիրէ խիստ սպասողական իրավիճակ:
