-4.91c
Երեվան
չրք, հնվ 28
Լիբանանեան «Ալ Ախպար»ը կը գրէ.
Ռուսաստանի Արտաքին Գործերու Նախարարութիւնը յայտարարած է, թէ Սուրիայէն եւ Լիպիայէն զինեալ խմբաւորումներ տեղակայուած են Լեռնային Ղարաբաղի սահմանին:
Յայտարարութեան մէջ կը կարդանք. «Անօրինական զինեալ խմբաւորումներու մարտիկները, յատկապէս Սուրիայէն եւ Լիպիայէն, տեղակայուած են Լեռնային Ղարաբաղի հակամարտութեան գօտիին վրայ՝ մարտերուն մասնակցելու համար»:
ԱԳՆ յայտնած է, որ «կատարուած գործողութիւնները անհանգստութիւն կը պատճառեն եւ կրնան տանիլ հակամարտութեան լարուածութեան աճին» ամբողջ տարածաշրջանին մէջ:
Այս մէկը զուգադիպեցաւ Քրեմլի կողմէ Անգարայի գործողութիւններուն մերժումին հետ, որով Մոսկուան դժուար, բայց հաւասարակշռուած յարաբերութիւններ կը շարուանակէ պահել Անգարայի հետ: ԱԳՆ կոչ ուղղած է զերծ մնալ «կրակին վրայ քարիւղ լեցնելէն:
