17.09c
Երեվան
շբթ, սպտ 12
Փետրվարի 13-ին Պոլսո Ֆերիգյուղի Նազար Շիրինօղլու սրահում տեղի կունենա Պոլսո «Ժամանակ» օրաթերթի «Ժամանակ-100» մատենաշարով լույս տեսած երեք գրքերի շնորհանդեսը:
Պոլսո «Ժամանակ» օրաթերթը մինչև հիմա լույս է ընծայել թերթի հիմնադիրներից Միսաք Քոչունյանի (Քասիմ) «Օրուան մտածումներ», Երուխանի (Երվանդ Սրմաքեշխանլյան) «Փոքր Ասիոյ մէջէն» և Ռուբեն Զարդարյանի «Յօդուածներ» ժողովածուները: Նշենք, որ նշված երեք գրքերում տեղ գտած հոդվածները դեռևս 1900-ականների վերջին և ավելի ուշ տպագրվել են «Ժամանակ» օրաթերթում: «Ժամանակում» են իրենց գործերն ու հոդվածները տպագրել նաև արևմտահայ գրականության այնպիսի անուններ, ինչպիսիք են Գրիգոր Զոհրապը, Զաբել Եսայանը, Զահրատը և շատ ուրիշներ:
«Ժամանակ» օրաթերթը շարունակելու է նշված մատենաշարով տպագրել հայ մեծերի՝ թերթի համարներում ցրված հոդվածներն ու գրական ստեղծագործությունները:
Արդեն տպագրված գրքերի շնորհանդեսին հրավիրված են սփյուռքում բնակվող մտավորականներ, լրագրողներ:
