20.13c
Երեվան
չրք, հլս 22
Վարչապետ Նիկոլ Փաշինյանը չի բացառել, որ հրաժարական տալուց հետո կարող է վարչապետի թեկնածու առաջադրվել՝ «չընտրվելու կանխավարկածով»: Այս մասին վարչապետն հայտարարել է այսօր՝ Ազգային ժողովի «Ելք» խմբակցության ներկայացուցիչների հետ հանդիպման ընթացքում:
Վարչապետի կայքին մէջ հրապարակուած հաղորդագրութեան համաձայն, հանդիպման ընթացքին Նիկոլ Փաշինեանը չի բացառեր, որ հրաժարական տալէ ետք կրնայ վարչապետի թեկնածու առաջադրուիլ՝ «չընտրուելու կանխավարկածով»: Այս մասին վարչապետը յայտարարած է այսօր՝ Ազգային ժողովի «Ելք» խմբակցութեան ներկայացուցիչներու հետ հանդիպման ընթացքին:
Հանդիպման ներկայ եղած են «Ելք» խմբակցութեան ղեկավար Լենա Նազարեանը, պատգամաւորներ Արամ Սարգսեանը, Սասուն Միքայէլեանը եւ Հայկ Կոնճորեանը:
Բարձր գնահատելով «Ելք» խմբակցութեան հետ անցած ճանապարհը, վարչապետը, որ կը պատրաստուի այսօր երեկոյեան հրաժարական ներկայացնել, կարեւոր համարած է, որպէսզի այս անցումային շրջանին որոշակի համաձայնութիւններ արձանագրեն՝ «որպէսզի արդիւնաւէտ քայլերով գնանք առաջ եւ հասնենք արտահերթ խորհրդարանական ընտրութիւնների»:
«Այս ընթացքում նաև որոշակի իրավական գործընթացներ ապահովելու համար անհրաժեշտ կլինի, որ «Ելք» խմբակցությունն ակտիվ դերակատարում ունենա առաջիկայում՝ այս 14 օրվա ընթացքում», - նշել է Փաշինյանը: - «Մեծ է հավանականությունը, իրավաբանների խորհուրդն է նաև այդպիսին, որ այս 14 օրվա ընթացքում առնվազն առաջին շրջափուլում որպես վարչապետի թեկնածու առաջադրվեմ, որպեսզի պրոցեսն ամբողջությամբ համապատասխանի օրենքի տառին և ոգուն, իհարկե չընտրվելու կանխավարկածով: Եվ այդ հարցով նույնպես կուզենայի մենք քննարկենք, նախապես պայմանավորվածություններ ձեռք բերենք, և իհարկե ընթացիկ քաղաքական իրավիճակը քննարկենք»:
Իր հերթին, Արամ Սարգսյանն ասել է. - «Մենք նույնպես շնորհակալ ենք համատեղ աշխատանքի համար: Ջանասիրությամբ ու գործին նվիրվածությամբ, եռանդով ինչպես աշխատել ենք «Ելք» դաշինքում միասին՝ որպես խմբակցության ղեկավար և որպես խմբակցության անդամներ, այնպես էլ շարունակելու ենք աշխատել անկախ նրանից, թե որ քաղաքական թևը կամ ինչ մոտեցում կներկայացնենք: Այս խնդրում միանշանակ կողմնակից ենք իրավական ճիշտ լուծումների: Իրավաբանների առաջարկած ցանկացած մոտեցում, ինչը ձեռնտու է վարչապետին, մեզ միանշանակ ձեռնտու է»:
