22.43c
Երեվան
չրք, հնս 10
Լոնդոնաբնակ հայ արվեստագետ, մրցանակակիր նկարիչ եւ տպագրական արվեստի նվիրյալ Մարկ (Մարտիրոս) Բալագջյանն իր մահվանից երկու ամիս առաջ, այս տարվա ամռանն առաջին անգամ այցելել է Հայաստան՝ բացահայտելու նախնիների մշակութային ժառանգությունը: Նա մահացել է ծանր հիվանդությունից, մինչ այդ, գտնվում էր որդու եւ դստեր խնամքի տակ, հայ արվեստագետի մահվան առթիվ գրված դամբանականում տեղեկացնում է theguardian-ը: Հայ հանրաճանաչ արվեստագետը Լոնդոն է գնացել Լիբանանից, մինչ այդ՝ ավարտելով Լիբանանի ճեմարանն ու հրապուրվելով ճարտարապետությամբ, արվեստով եւ տպագրական գործով: Լոնդոնում նա նոր կյանք է հաղորդել անհայտ մեցցո տինտոյին (մետաղի վրա փորագրության տեսակ, որն առնչվում է խորը տպագրությանը):
79 տարեկանում Մարկ Բալագջյանը շարունակում էր ստեղծագործել եւ զբաղվել գործարարությամբ: Թերթը նշում է, որ հայ արվեստագետի գործերի վրա մեծ ազդեցություն է ունեցել ցեղասպանության պատմությունը, որի մասին նա լսել է հայ ծնողներից՝ Հակոբից եւ Հայկուհուց: Արվեստաբաններն առեղծվածային էին համարում հայ արվեստագետի գործերը:
Լիբանանից հետո Մարկն այցելել է Փարիզ, Հռոմ և Լոնդոն՝ որոնելու տպագրության ավելի շատ օրինակներ: Նա ստացել է փորագրիչ-արվեստագետի լավագույն կրթություն, բայց նաեւ տարբեր վայրերում ուսումնասիրել է նոր միջոցներ՝ բացահայտելու սեփական հնարավորությունները:
Բալակջյանն ու իր կինը՝ Դորոթեա Ուայթը, ղեկավարում էին մի տպագրական արհեստանոց, որը հովանավորվում էր հայտնի նկարիչների կողմից: Միաժամանակ արվեստագետ զույգը սեփական աշխատանքներն էր ցուցադրում եւ այդպես հայտնի դարձան, արժանացան մրցանակների: Նրանց աշխատանքները ձեռք են բերել ինչպես մասնավոր հավաքածուները, այնպես էլ՝ Բրիտանական թանգարանը, Վիկտորիայի և Ալբերտի թանգարանը, Բրիտանական խորհուրդը, այլ կենտրոններ: Նրանք նաեւ հետաքրքրված էին կրթական ծրագրերով, սակայն 2009 թվականին Դորոթեան տկարացավ եւ արհեստանոցը փակվեց: 2013 թվականին Մարկի կինը մահացավ: Սիրելի կնոջ մահվանից չորս տարի հետո մահացավ նաեւ Մարկը՝ թանկ հիշողություններ թողնելով Լոնդոն այցելող այն հայերի սրտում, որոնք Լոնդոնում անպայման փնտրում եւ գտնում էին հայազգի արվեստագետ Մարկ Բալագջյանին:
Մարկը եւ կինը
