15.09c
Երեվան
շբթ, հկտ 10
Բրիտանիոյ Պաշտպանութեան նախարար Թերեզա Մայի վերջերս կատարած յայտարարութիւնը, թէ Մոսկուա կը խանգարէ Հալէպի աւերուած շրջաններ մարդասիրական օգնութիւններ հասցնելու գործողութիւնը, վշտացուցած է Ռուսիոյ Պաշտպանութեան նախարարութիւնը, որուն ի պատասխան ՊՆ մամլոյ խօսնակ Իկոր Քոնաշինքով այսօր, 3 Դեկտեմբերին յայտարարած է, որ Ռուսիա ամէնօրեայ դրութեամբ օգնութիւններ կը տրամադրէ պատերազմէն տուժած քաղաքացիներուն, մինչ Բրիտանիա 5 տարիէ է վեր ոչ մէկ օգնութիւն ցուցաբերած է: Այս մասին հաղորդած է Ռուսիոյ ՊՆ պաշտօնական կայքը:
Նախարարութեան մամլոյ խօսնակը ամբաստանած է Լոնտոնը Սուրիոյ եւ յատկապէս Հալէպի դէպքերը գնահատելու առումով տրամաբանական հայեցողութիւնը կորսնցուցած ըլլալու եւ «Ռուսոֆոպիա»ով տառապելու մէջ:
Յայտարարութեան աւարտին Իկոր Քոնաշինքով ըսած է. «Եթէ իսկապէս Բրիտանական պետութիւնը նպատակ ունի օգնութիւններ տրամադրել Հալէպի արեւելեան շրջաններու բնակչութեան, ամէն առիթ բաց է անոր դէմ, իսկ եթէ չկան որեւէ բրիտանական օգնութիւններ, կը խնդրենք, որ չզրկէք ուրիշները օգնւթիւն տրամադրելէ»:
