10.09c
Երեվան
հնգ, հկտ 08
Իրանի Իսլամական հանրապետութեան հոգեւոր առաջնորդ Այաթոլլա Ալի Խամէնիյի այսօր ծանր քննադատութիւններ ուղղած է Սէուտական Արաբիոյ դէմ: Այաթոլլան, որ Թեհրանի իր նստավայրէն ներս ընդունած է անցեալ տարի Մէքքէ ուխտագնացութեան մեկնած եւ զոհուած իրանցի հաւատացեալներու հարազատները, դիտել տուած է, թէ «Մինայի մէջ կատարուածը ցոյց տուաւ, որ Սէուտական Արաբիա անկարող է տնօրինել իսլամական սուրբ տեղերը»: Խամէնիյի նաեւ կոչ ուղղած է հիմնել իսլամական համընդհանուր մարմին մը, որ քննութիւն պիտի բանայ Մինայի դէպքերուն վերաբերեալ ու կազմակերպէ Մէքքա քաղաքի ընդհանուր տնօրինումը: Յիշեցնենք, որ անցեալ տարի այս ժամանակ իրանցի 769 հաւատացեալներ զոհուած էին Ալ Մինա շրջանին մէջ, որուն իբրեւ հետեւանք Թեհրան առկախած է իրանցի ուխտաւորներու դէպի Մէքքա ամենամեայ ուխատագնացութիւն կատարելը:
