19.09c
Երեվան
հնգ, մյս 07
Թուրքիոյ մէջ գործող քրտամէտ HDP կուսակցութեան ղեկավար Սալահ Էլ Տին Տէմիրթաշ կրնայ մինչեւ հինգ տարուան բանտարկութեան պատիժի արժանանալ: Այս մասին կը փոխանցէ թրքական «Տողան» լրատուական գործակալութիւնը: Աղբիւրը նաեւ կը յայտնէ, թէ Թուրքիոյ վերաքննիչ դատական ատեանը այսօր խօսած է Տէմիրթաշի դէմ արձակուելիք հաւանական դատավճիռի մը մասին, որուն հիմամբ քիւրտ առաջնորդը կրնայ հինգ տարուան բանտարկութեան պատիժ կրել: Կը հաղորդուի նաեւ, որ Տէմիրթաշի դէմ ուղղուած մեղադրանքը կապ ունի վերջինիս 2013-ին թուականին PKK-ի առաջնորդ եւ ցկենաս բանտարկուած Ապտուլլահ Օճալանին նեցուկ կանգնելու վերաբերեալ հնչեցուցած կոչերուն հետ:Յիշեցնենք, որ Թուրքիոյ մէջ PKK քրտական զինեալ կազմակերպութիւնը կը համարուի ահաբեկչական կազմակերպութիւն: PKK-ի Հանդէպ նոյն մօտեցումը ունին՝ Միացեալ Նահանգներն եւ Եւրոպական Միութիւնը:
