25.53c
Երեվան
ուրբ, օգս 07
Սիրիական կառավարական բանակի զինվորները տոնախմբում են Հալեպի մոտակայքում գտնվող Kweyris ռազմական օդանավակայանի ազատագրումը, տեղեկացնում են զլմ-ները: Ինչպես հայտնել էինք, երկու տարի շարունակ շրջափակման մեջ գտնվող օդանավակայանն ազատագրվել է «Իսլամական պետություն» խմբավորման պաշարումից, ինչը Սիրիայի կառավարության հերթական հաղթական քայլն է համարվում: Ըստ «Ալ Մայադին» կայանի, ազատագրվել են օդանավակայանում պաշարման մեջ գտնված 1000 զինվորներ, որոնց մեջ կան նաև բարձրաստիճան սպաներ: Կայանը նաև հաղորդում է, որ սիրիական բանակը առաջխաղացումը շարունակում է Հալեպի Մարեուդան և Մաքհալա գյուղական բնակավայրերի ուղղությամբ, ծանր մարտեր են ընթանում նաև Ղութայի շրջակայքում:
