10.09c
Երեվան
հնգ, ապր 30
Հալէպի մէջ ընդհանուր իրավիճակը կայուն է: Այս մասին «Արեւելք» տեղեկութիւն ստացաւ այս առաւօտ: Մեր աղբիւրին համաձայն Հալէպի հայկական թաղամասերուն մէջ ընդհանուր իրավիճակը կայուն եւ խաղաղ է: Վերջին տաս օրերուն հաստատուած հրադադարէն ի վեր մերթ ընդ մերթ պայթումներ լսելի կը դառնան Հալէպի ծայրամասային շրջաններուն մէջ: Մեր աղբիւրը յայտնեց, որ Հալէպը ամբողջական խաղաղ հունի մը մէջ պիտի չմտնէ այնքան ատեն, որ տարբեր խմբաւորումներու զինեալներ կը շարուանկեն մնալ այդ գիւղական շրջաններուն մէջ: Ըստ «Արեւելք»ի աղբիւրին Հալէպի հայկական բոլոր կուսակցութիւններն ու մարմինները կը շարունակեն կարեւոր օգնութիւններ տալ կարիքաւոր եւ անգործութեան պատճառով դժուար պայմաններու մատնուած հայորդիներուն: Դրական տեղաշարժ կայ նաեւ ջուրի եւ ելեքդրականութեան տագնապներու լուծման առընթեր, ինչպէս նաեւ համացանցի ընդհանուր իրավիճակին կապակցութեամբ: Եթէ հրադադարէն առաջ ջուրի եւ ելեքդրականութեան տագնապները դարձած էին համատարած, այսօր կարելի է ըսել, որ հայկական շրջանները սկսած են ելեքդրականութիւն եւ ջուր ստանալ: Ըստ մեր աղբիւրին, հակառակ Սուրիոյ մէջ տիրող տնտեսական ծանր իրավիճակին, հայկական մշակութային միութիւններ կը շարունակեն իրենց գործունէութիւնը եւ ծանր վիճակը պատճառ չի դառնար, որ գաղութի ընդհանուր կեանքը անդամալուծուի:
