20.09c
Երեվան
երք, հկտ 20
Քրտական ինքնապաշտպանութեան ուժերու գլխաւոր հրամանատար Սիփան Համօ չի բացառեր Սուրիոյ բանակի մուտքը Աֆրին, թրքական ուժերուն դէմ պայքարող քիւրտերուն աջակցութիւն ցուցաբերելու նպատակով:
Համօ պատասխանելով «Ֆրանսբրէս» լրատուական գործակալութեան լրագրողի հարցին նշած է, որ իրենք դէմ չեն, որ Սուրիոյ բանակը մուտք գործէ Աֆրին, նպատակ ունենալով քաղաքն ու բնակչութիւնը պաշտպանել թրֆական կողմի յարձակումներէն:
«Կառավարութիւնը մշտապէս կը յայտարարէ, թէ Աֆրին Սուրիոյ մաս կը կազմէ, իսկ մենք կ'ըսենք՝ եթէ Սուրիոյ մաս կը կազմէ, ուրեմն պէտք է անոր հանդէպ քու պարտականութիւնդ կատարես»,- շեշտած է Համօ, միաժամանակ պնդելով, որ քրտական ուժերն իրենց տիրապետութեան տակ գտնուող շրջանները սուրիական հողեր կը համարեն:
Համօ նշած է նաեւ, որ Դամասկոսի հետ համագործակցութիւնը կը սահմանափակուի դէպի Աֆրին մարդասիրական օգնութիւններ տեղափոխելու աջակցութեամբ:
