17.09c
Երեվան
չրք, հկտ 14
Գանատայի ոստիկանութիւնը բացայայտած է, երէկ Քէպէքի մզկիթին վրայ յարձակում գործող, 5 անձի սպաննութեան եւ 6 այլոց վիրաւորման պատճառ հանդիսացող ահաբեկիչի ինքնութիւնը: Այս մասին կը գրէ «Ալ- ժատիտ» նշելով, որ յարձակումի կազմակերպիչը 27 ամեայ համալսարանական ուսանող, արմատներով ֆրանսացի, գանատացի, ազգայնական գաղափարներու կրող Ալեքսանտր Պիսոնաթն է:
Աղբիւրը նաեւ կը փոխանցէ, որ Պիսոնաթ «Լավա» համալսարանէն ներս ընկերային ուսմունքներու բաժինի ուսանող է, որու շէնքը կը գտնուի Քէպէքի իսլամական մշակութային կեդրոնի մօտ, ուր ան գործադրած էր իր յարձակումը:
Կը նշուի նաեւ, որ Պիսոնաթ երէկ դատարնի առջեւ ներկայացած էր, ուր անոր 6 անձերու սպաննութեան եւ 5 այլ անձանց մահափորձի մեղադրանք յարուցուած էր: Գանատայի իշխանութիւնները մատնանշած են, որ հետաքննութեան աշխատանքները կը շարունակուին, յոյս յատնելով, որ կարելի կը դառանայ ձեռք ձգել բաւականաչափ ապացոյցներ՝ ուսանողի նկատմամաբ «ահաբեկչութեան եւ ազգային անվտանգութեան խափանման» մեղադրանքներ ուղղելու համար: Ոստիկանութիւնը յայտարարած էր, որ Պիսոնաթ ինք անձամբ զանգած էր ոստիկանութեան, ինքզինք յանձնելու համար, յարձակումը իրականացնելէն կէս ժամ անց:
Նշենք նաեւ, որ կը նախատեսուի, որ յանցագործը 21 փետրուարին անգամ մը եւս ներկայանայ դատական նիստին, որու ընթացքին դատախազը պաշտօնապէս պիտի յայտարարէ անոր ուղղուած մեղադրանքը:
Յիշեցնենք, որ Գանատայի վարչապետ Ճասթին Թրիւտօ, անդրադառնալով արտակարգ պատահարին, տեղի ունեցածը որակած էր որպէս՝ «վախկոտ ահաբեկչական յարձակում»:
