14.09c
Երեվան
ուրբ, մյս 08
Արիւնալի օր մը եղած է Հալէպի համար: Այս առաւօտ ընդդիմադիր զինեալներ հրթիռարձակումներ կատարած են Հալէպի «Ալ Ֆըրքան» շրջանի դպրոցին վրայ: Ըստ սուրիական «Սանա» գործակալութեան, հրթիռներէն մին ինկած է «Ֆըրքան» վարժարանի դասարանի մը վրայ, որուն հետեւանքով զոհուած են 7 աշակերտներ, մինչ դասարանէն ներս գտնուող ուսուցչուհին եւ 19 այլ աշակերտներ տարբեր մակարդակի վէրքեր ստանալով փոխադրուած են հիւանդանոց: Նոյն աղբիւրը կը նշէ, որ հրթիռարձկումներուն թիրախ դարձած է նաեւ «Ալ Շահպա» թաղամասը, ուր զոհուած է մէկ անձ եւ կան տասնեակ վիրաւորներ:
Գալով հայկական թաղամասերուն, ըստ «Արեւելք»ի Հալէպի աղբիւրին, հայկական շրջանները այսօր եղած են խաղաղ եւ կեանքը շարունակուած է բնականոն հունով: Հայկական եկեղեցիներուն մէջ մատուցուած է Սուրբ եւ Անմահ պատարագ, ինչպէս նաեւ եղած են սկաուտական հերթական հաւաքներ:
