14.09c
Երեվան
հնգ, հկտ 22
Սուրիոյ մէջ Մարդու իրաւունքներու պաշտպանի գրասենեակը յայտարարած է, որ երէկ, ուրբաթ օր, Աֆրինի մէջ տեղի ունեցած մարտերու ընթացքին 15 թուրք զինուոր զոհուած է:
«Sky News» լրատուական ցանցին փոխանցմամբ, Մարդու իրաւունքներու պաշտպանի գրասենեակը լուրը հրապարակած է իր պաշտօնական կայքէջին, միաժամանակ նշելով, որ մարտերու ժամանակ մեծ թիւով ռազմասայլեր եւ զինամթերք նոյնպէս ոչնչացուած է:
Աղբիւրը նշած է նաեւ, որ թրքական ուժերն ու անոնց համակիր Սուրիոյ Ազատ բանակը քանի մը ուղղութիւններով ներխուժած են Աֆրինի Ռաճօ գիւղը:
Մարդու իրաւունքներու պաշտպանի գրասենեակին հաւաստմամբ, ներկայիս թրքական ուժերն իրենց իշխանութիւնը տարածած են 80 գիւղի եւ աւանի վրայ, որոնց ընդհանուր մակերեսը կը կազմէ 3850 քմ քառակուսի:
