13.09c
Երեվան
հնգ, մյս 07
92 օրէ ի վեր քիւրտ գործիչ Խուրշիտ Քուլթէրի ճակատագիրը կը շարունակէ մնալ անյայտ: Թուրքիոյ ընդդիմադիր աղբիւրներ կը գրեն, որ Խորշիտ առեւանգուած է իր քաղաքական կեցուածքներուն համար: Նշենք, որ անցնող 27 մայիսին անյետացած Խորշիտ Քալթ կը վարէր քրտամէտ Տէմոքրատական DBP կուսակցութեան Շըրնաք շրջանի համակարգողի պաշտօն: Խորշիտի ծնողները տարբեր առիթներով յայտարարութիւն կատարած են՝ իշխանութիւններէն պահանջելով արագօրէն բացայայտել իրենց զաւակին ճակատագիրը: Անոր մայրը հաղորդագրութիւն մը հրապարակելով մասնաւորապէս ըսած է. «Ինչ ալ ըլլայ պարագան, ես զաւակիս ճակատագիրը գիտնալ կ'ուզեմ, ողջ կամ մահացած, ես իմ զաւակս կ'ուզեմ»,- ըսած է ան: Նշենք, որ Թուրքիոյ քաղաքացիական մէկէ աւելի մարմիններ եւ յատկապէս «Շաբաթ օրուան մայրեր» միութիւնը Խորշիտ Քուլթէրի նկարներով բողոքի երթեր կատարած են: Անոնք կը պահանջեն քիւրտ անյետացած գործիչին ճակատագրին բացայայտումը:
