24.09c
Երեվան
շբթ, հնս 21
Ուքրանիոյ նախագահ Վլատիմիր Զելենսքին կը ծրագրէ մայիս 15-ին Անգարայի մէջ հանդիպիլ Թուրքիոյ նախագահ Ռեճէպ Թայէպ Էրտողանի հետ, որմէ ետք միայն ան որոշում պիտի կայացնէ, թէ ինչ քայլեր ձեռնարկել Ռուսիոյ հետ խաղաղութեան շուրջ բանակցութիւններուն։
«Արմէնփրէս»-ի հաղորդմամբ՝ այս մասին AFP գործակալութեան յայտնած է ուքրանացի բարձրաստիճան պաշտօնեայ մը։
«Նախագահն Անգարա իր այցը պիտի սկսի Էրտողանի հետ (խմբ.՝ հանդիպումէն) եւ միայն ատկէ ետք նախագահը պիտի որոշէ յաջորդ քայլերը», -ըսած է աղբիւրն այն բանէ ետք, երբ ռուսական պետական լրատուամիջոցները յայտնած են, որ Մոսկուայի պատուիրակութիւնը Իսթանպուլ ժամանած է ծրագրուած բանակցութիւններու համար:
Նման տեղեկութիւն մայիս 15-ին աւելի վաղ յայտնած էր «ՌԲԿ-Ուքրանիա» հրատարակութիւնը՝ վկայակոչելով իր իրազեկ աղբիւրը։ Անիր խօսքով՝ Ուքրանիոյ եւ Թուրքիոյ ղեկավարներու հանդիպումը պիտի կայանայ տեղական ժամանակով ժամը 13:00-ի սահմաններուն (Երեւանի ժամանակով՝ 14։00-ին)։
Մայիս 15-ին Իսթանպուլի մէջ պէտք է տեղի ունենան ռուս-ուքրանական ուղիղ բանակցութիւններ։
