10.09c
Երեվան
շբթ, փտր 14
Արմատներով Ղարաբաղցի երաժշտահան Յովիկ Սարտարեան դարձած է ժամանակակից ակադեմական երաժշտութեան ոլորտի հեղինակաւոր Էռնսթ ֆոն Զիմենսի (Ernst von Siemens) 2026-ի մրցանակի դափնեկիր։
Այս մասին «Արեւելք» իմացաւ Պոլսոյ մեր պաշտօնակից՝ «Նոր Մարմարա»էն, որ մասնաւորապէս կը գրէ՝
Արմատներով Ղարապաղցի երաժշտահան Յովիկ Սարտարեան դարձաւ Էռնսթ ֆոն Զիմենսի (Ernst von Siemens) 2026-ի մրցանակի դափնեկիր։ Այս մրցանակաբաշխութիւնը ժամանակակից ակադեմական երաժշտութեան ոլորտի ամենահեղինակաւոր մրցանակներէն մէկն է, զոր յաճախ կը կոչեն «Երաժշտութեան Նոպէլեան մրցանակ»։
Միջազգային այս բարձր գնահատականը ճանաչումն է ո՛չ միայն երաժշտահանին անհատական տաղանդին, այլեւ՝ ժամանակակից հայկական երաժշտական դպրոցի կենսունակութեան։
Յովիկ Սարտարեան 32 տարեկան է, ծնած է Հադրութ (Ղարապաղ)։ Անոր երաժշտական կրթութեան առաջին փուլը անցած է Ստեփանակերտի Սայաթ-Նովա երաժշտական ուսումնարանին, այնուհետեւ՝ Երեւանի Պետական երաժշտանոցին մէջ։ Ան առաջին հայ երաժշտահանն է, որ կ'արժանանայ այս բարձրագոյն միջազգային մրցանակին։
