image
Հրատապ լուրեր:

Յունաստանի վարչապետը նախագահէն խնդրած է արձակել խորհրդարանը

Յունաստանի վարչապետը նախագահէն խնդրած է արձակել խորհրդարանը

Յունաստանի վարչապետ Կիրիակոս Միցոթաքիսը շաբաթ օր հանդիպած է Յունաստանի նախագահ Քաթերինա Սաքելարոփուլուի հետ եւ խնդրած անոր արձակել խորհրդարանը՝ կառավարութեան քառամեայ մանթատի մօտալուտ ժամկէտի աւարտի պատճառով ու նշանակել  համապետական ընտրութիւններ մայիս 21-ին։

Միցոթաքիսի եւ Սաքելարոփուլուի հանդիպումն ուղիղ եթերին ցուցադրուած է Հունաստանի հանրային ERT հեռուստատեսութեամբ, գրած է РИА Новости-ն: 

«Ես Ձեզի կը փոխանցեմ Նախարարներու խորհուրդի որոշումը՝ խնդրելով արձակել խորհրդարանն ու մայիս 21-ին նշանակել համապետական ընտրութիւններ՝ 4 շաբաթ անց։ Այդ նախատեսուած է սահմանադրութեամբ», -ըսած է Միցոթաքիսը։

Անոր խօսքով՝ քաղաքացիներն ընտրութիւններուն կը կարողանան գնահատել իշխանութեան ողջ ժամանակահատուածն ու որոշել, թէ ով պիտի կառավարէ յառաջիկայ 4 տարիներուն։ «Խորհրդարանն արձակելու մասին հրամանագիրը պիտի տեղադրուի այսօր երեկոյեան, իսկ վաղուընէ ժամացոյցը պաշտօնապէս պիտի սկսի յետհաշուարկը մինչեւ մայիս 21-ը»,- ըսած է վարչապետը։

Նախագահը բաւարարած է Միցոթաքիսի խնդրանքը։ «Ես կ'ուզեմ, որ ունենանք հանգիստ ընտրական շրջան՝ ի շահ երկրի», - ըսած է Սաքելարոփուլուն։