Վստահ եմ, որ մեր ջանքերը դրական պիտի ընդունուին Հայաստանի կողմէ, եւ բազմամեայ հակազդեցութեան վերջ պիտի դրուի: Մեր առաջարկն է խաղաղութեան շուրջ պայմանագիր կնքել, սակայն այն մնացած է անպատասխան:
Ատրպէյճանի նախագահ Իլհամ Ալիեւ ըսած է, որ Երեւան դեռ չէ պատասխանած խաղաղութեան շուրջ պայմանագիր կնքելու Պաքուի առաջարկին: Այս մասին Ալիեւ ըսած է Պաքուի մէջ Ռուսիոյ արտաքին գործոց նախարար Սերգէյ Լաւրովի հետ հանդիպման ժամանակ:
«Վստահ եմ, որ մեր ջանքերը դրական պիտի ընդունուին Հայաստանի կողմէ, եւ բազմամեայ հակազդեցութեան վերջ պիտի դրուի: Մեր առաջարկն է խաղաղութեան շուրջ պայմանագիր կնքել, սակայն այն մնացած է անպատասխան», յայտարարած է Ալիեւ:
Անոր խօսքով` Ատրպէյճանի նպատակը Հարաւային Կովկասի մէջ խաղաղութեան հաստատումն է:
Ընդ որում, Ալիեւ կրկին Հայաստանը մեղադրած է «հաղորդակցութիւնները բանալու, Նախիջեւանի ինքնավար հանրապետութեան մէջ ատրպէյճանական բեռներու տեղափոխումն ու քաղաքացիներու փոխադրումը անխոչընդոտ ապահովելու հարցով պարտաւորութիւնները չկատարելու» մէջ: