17.09c
Երեվան
շբթ, հնս 28
Հնդկաստանն ու Փաքիստանը գիշերը փոխադարձ հարուածներ հասցուցած են իրար տարածքներու մէջ գտնուող թիրախներուն։ Այս մասին յայտնած է Politico-ն։
Հնդկական կողմը յայտնած է, որ հրթիռային հարուածներն ուղղուած եղած են «ահաբեկչական ենթակառուցուածքներուն»՝ Փաքիստանի Փենճապ նահանգին մէջ եւ Փաքիստանի վերահսկողութեան տակ գտնուող Քաշմիրի մէջ։
Ռազմական գործողութիւններուն նախորդած է երկու շաբաթ առաջ Հնդկաստանի վերահսկողութեան տակ գտնուող Ճամու եւ Քաշմիր նահանգներու մէջ տեղի ունեցած ահաբեկչական յարձակումը, որու համար Նիւ Տելին մեղադրած է Փաքիստանը։
Փաքիստանի իշխանութիւնները յայտնած են, որ գիշերուան յարձակումներու հետեւանքով զոհուած է 8 մարդ՝ այդ շարքին կանայք եւ երեք տարեկան աղջիկ մը, եւս 35 մարդ ստացած է տարբեր աստիճանի վնասուածքներ։ Վարչապետ Շեհպազ Շարրիֆը հարուածները որակած է որպէս «պատերազմական գործողութիւն»։
Հնդկաստանի ոստիկանութիւնը յայտնած է, որ Փաքիստանի կողմէ Ճամու եւ Քաշմիրի գնդակոծութեան հետեւանքով զոհուած է 10 մարդ, եւս 48-ը վիրաւորուած են։
