-4.91c
Երեվան
երկ, փտր 02
Ուժանիւթակիրներու գիներու նուազեցման ուղղութեամբ Եւրոպական Միութեան կողմէ մշակուած միջոցները արագ արդիւնք կու տան: Այդ մասին, ինչպէս կը տեղեկացնԷ «Արմէնփրէս»-ը, 21 հոկտեմբերին յայտարարած Է Եւրոխորհուրդի ղեկավար Շարլ Միշելը:
«Արդիւնքը կարելի պիտի ըլլայ զգալ շատ արագ»,-ըսած է ան՝ հանդէս գալով ԵՄ-ի գագաթնաժողովի առաջին օրուան արդիւնքներու շուրջ կայացած մամլոյ ասուլիսին:
Մասնաւորապէս, անոր խօսքով, դրական ազդեցութիւն կը ցուցաբերէ այն փաստը, որ «շուկաները կը տեսնեն միասին աշխատելու մեր պատրաստակամութիւնը»:
Միշել աւելի վաղ նշած Է, որ ԵՄ-ի երկիրներու ղեկավարները համաձայնած են յանձնարարել ուժանիւթի նախարարներուն՝ շտապ կարգով շարք մը առաջարկութիւններ մշակել, որոնք կոչուած են նուազեցնելու ուժանիւթակիրներու գիները, բարձրացնելու մատակարարումներու յուսալիութիւնը եւ նուազեցնելու ուժանիւթի սպառումը, հաղորդած Է «Ինթըրֆաքս»-ը:
