18.09c
Երեվան
երկ, հնս 23
Օրերս Քալիֆորնիոյ նահանգի Արգատիա քաղաքին մէջ ի Տէր ննջեց վեր. Յովհաննէս Մելքոնեան:
Այս տխրունիին մասին «Արեւելք» իմացաւ Այնճարի Հայ Աւետ. Եկեղեցւոյ դիմատետրեան էջէն:
Ստորեւ տրուած մահագրութիւնը՝
Սրտի խոր կսկիծով կը գուժենք՝ վեր. Յովհաննէս Մելքոնեանի մահը: Ան իր աչքերը փակեց 24 Մայիս, 2025ին, Քալիֆորնիոյ նահանգին, Արգատիա քաղաքին մէջ:
Վեր Մելքոնեան ծնած է Հալէպ, հաւատացեալ ընտանիքի մէջ, Մկրտիչ եւ Պարգեւուհի Մելքոնեաններուն յարկին, հինգ եղբայրներուն մէջ ամենափոքրն էր: Ան
յաճախած է Ալեփօ Գոլէճ եւ անդամակցած Հայ Աւետարանական Բեթէլ Եկեղեցւոյ, երբ Տիրոջ ծառայութեան կոչը ստացաւ: Վեր Մելքոնեան Մերձաւոր Արեւելքի Աստուածաբանական համալսարանէն վկայուեցաւ Bachelor of Theology 1956ին ապա իր ուսումը շարունակեց Հայկազեան համալսարանէն ներս ստանալով(Bachelor of Arts degree):
Իր ծառայութեան սկսաւ Քեսապի եւ Այնճարի Հայ Աւետարանական եկեղեցիներէն ներս որպէս հովիւ, ինչպէս նաեւ Այնճարի գիշերօթիկին մէջ որպէս փոխ տնօրէն: Պսակուեցաւ Օրդ. Ժանէթ Գույումճեանին հետ եւ անոնց ընտանիքը օրհնուեցաւ երկու դուստրերով՝ Արտա եւ Տօրիս:
Վեր. Մելքոնեան առիթը ունեցաւ շարունակելու Միացեալ նահանգներուն մէջ իր ուսումը Փասատինայի (Point Loma Nazarene) համալսարանին մէջ եւ ստացաւ (M.A) տիտղոսը: Իր ծառայութիւնը շարունակեց Աստուծոյ դաշտին մէջ Միացեալ Նահանգներու եւ Գանատայի եկեղեցիներէն ներս:
Վեր. Մելքոնեան պիտի յիշուի իր խոր հաւատքով եւ անխոնջ ծառայութիւնով: Ան միշտ հասաւ բոլոր անոնց որոնք իր կարիքն ունէին, քաջալերեց եւ մխիթարեց ու սէր
ցուցաբերեց անխտիր: Անոր ներկայութիւնը կը զօրացնէր շուրջինները եւ իր կեանքով օրինակ կը դառնար ուրիշներուն:
Մեր խորին ցաւակցութիւնները կը յայտնենք, Տիկ. Ժանէթին եւ իր երկու դուստրերուն, Արտային եւ Տօրիսին:
