image

Թուրքիոյ Արտաքին գործոց նախարարը «բողոքած է» հայկական Սփիւռքէն

Թուրքիոյ Արտաքին գործոց նախարարը «բողոքած է» հայկական Սփիւռքէն

Թուրքիոյ արտաքին գործոց նախարար Հաքան Ֆիտան Ատրպէյճանի արտաքին գործոց նախարար Ճէյհուն Պայրամովի հետ համատեղ մամուլի ասուլիսի ժամանակ յայտնած է, որ քննարկուած թեմաներու շարքին եղած են նաեւ Հարաւային Կովկասին վերաբերող հարցեր։

Ան նշած է, որ «տարածաշրջանին մէջ խաղաղութեան համար պատմական հնարաւորութիւն ստեղծուած է», յայտնած են ատրպէյճանական լրատուամիջոցները։

«Ներկայիս այդ հնարաւորութիւնը զգալիօրէն աճած է։ Բոլոր կողմերը պէտք է ձգտին խաղաղութեան եւ կայունութեան։ Ցաւօք, Արեւմուտքի հայկական սփիւռքը կ՚օգտագործէ հայ ժողովուրդը եւ որոշ երկիրներ կը տրամադրէ Ատրպէյճանի դէմ։ Աւելի լաւ է այդպէս ընելու փոխարէն հայ ժողովուրդն իր ուժը ծախսէ հարեւաններու հետ բնականոն յարաբերութիւններ հաստատելու վրայ»,-ըսած է Ֆիտան: