-11.91c
Երեվան
չրք, հնվ 07
Թրքական պետական TRT1 հեռուստաալիքը եթերի ժամանակ ցոյց տուած է Stratfor ընկերութեան կողմէ աւելի վաղ պատրաստուած Անգարայի ազդեցութեան ոլորտի ընդլայնման կանխատեսման քարտէզ:
Ընկերութիւնը կը կանխատեսէ, որ մինչ 2050 թուականը Թուրքիան կ'ընդլայնէ իր ազդեցութեան ոլորտը դէպի Պալքաններ, Հիւսիսային Ափրիկէ, Մերձաւոր Արեւելք, Անդրկովկաս, Կեդրոնական Ասիա եւ Ռուսաստանի մէկ մասի վրայ: Այդպէս, Անգարայի շահերու գօտիի քարտէզին վրայ յայտնուած էին Հիւսիսային Կովկասի, Ղրիմի հանրապետութիւնները, Քրասնոտարի եւ Սթաւրոպոլի երկրամասերը, Ռոսթովի եւ Աստրախանի շրջանները, Քալմիկիան եւ երկրի եւրոպական տարածքի հարաւը գտնուող այլ տարածաշրջաններու մասեր:
Ըստ կանխատեսումներու` Թուրքիոյ ազդեցութեան գօտիին մէջ պէտք է յայտնուին Լիպիան, Եգիպտոսը, Սէուտական Արաբիան, Իրաքը, Սուրիան, Յունաստանը, Կիպրոսը, Հայաստանը, Վրաստանը, Ատրպէյճանը, Եէմէնը, Արաբական Միացեալ Էմիրութիւնները եւ նախկին ԽՍՀՄ ասիական հանրապետութիւններու որոշ հատուածներ:
