5.09c
Երեվան
շբթ, փտր 28
«Երկնքի բարձրութեան մէջ Աստուծոյ փառք, երկրի վրայ խաղաղութիւն, մարդոց մէջ հաճութիւն»։ (Ղուկաս 2:14)։
Յունուար 5-ի յետմիջօրէին, Հայ Առաքելական Ս. Եկեղեցին կը նշէ Մեր Տիրոջ՝ Յիսուս Քրոստոսի Ս. Ծննդեան Ճրագալոյցի Տօնը:
«Ճրագալոյց» անունը առաջացած է «ճրագ լուցանել» արտայայտութենէն, որ կը նշանակէ ճրագ վառել, մոմ վառել: Ըստ հազարամեայ աւանդոյթի, տաճարէն տուն տարուած լոյսը կը լուսաւորէր ամբողջ տարուայ ընթացքին՝ ցոյց տալով արդարութեան, յաջողութեան ու յաղթանակներու ճանապարհը:
Ըստ Գրիգոր Տաթեւացիին՝ Սուրբ Պատարագ կը մատուցուի երկու անգամ՝ Յունուարի 5-ի երեկոյեան՝ Ճրագալոյցի, եւ Յունուարի 6-ի առաւոտեան՝ Տէրունական, որովհետեւ Քրիստոսի Ծնունդը կէսգիշերին եղաւ, իսկ Մկրտութիււնը՝ կէսօրին. Այսպիսով, Ճրագալոյցի Պատարագը Քրիստոսի Ծննդեան խորհուրդով է, իսկ առավոտեանը՝ Մկրտութեան:
Ս. Ծնունդի Խորհուրդի պատգամն է Աստուածային յայտնութեամբ շնորհուած խաղաղութեան ու համերաշխութեան ոգին եւ մարդկային հոգիներու վերանորոգումն ու փրկութիւնը:
Քրիստոս ծնաւ եւ յայտնեցաւ.
Օրհնեալ է յայտնութիւնը Քրիստոսի.
Ձեզ եւ մեզ մեծ Աւետիս ...
Պատրաստեց՝ Էօժէնի Պոսնոյեան
