-3.91c
Երեվան
հնգ, հնվ 01
Պրիւսէլեան հանդիպումներէն յետոյ հնչող նախաձեռնութիւնները կը զարգացնեն երեք երկրի ղեկավարներու՝ Նոյեմբեր 26-ի եռակողմ յայտարարութիւնը: Այս մասին յայտնած է ՌԴ ԱԳՆ պաշտօնական ներկայացուցիչ Մարիա Զախարովան՝ անդրադառնալով երկաթուղային հաղորդակցութիւններու բացման:
Դիւանագէտը յաւելած է, որ այդ հարցերու քննարկումները կը շարունակուին փոխվարչապետներու համանախագահութեամբ ստեղծուած աշխատանքային խումբի շրջանակին մէջ:
«Այդ մեխանիզմին մէջ կը դիտարկուին Հարաւային Կովկասի մէջ բոլոր տնտեսական եւ հաղորդակցական կապերու ապաշրջափակման հարցերը», ըսած է Զախարովան եւ ողջունած է երկկողմ յարաբերութիւններու կարգաւորման ուղղուած միջազգային ջանքերը: Ան այդ ըսած է անդրադառնալով Եւրոպայի խորհուրդի նախագահ Շարլ Միշէլի յայտարարութեան՝ Հայաստանի եւ Ատրպէյճանի միջեւ սահմանզատման եւ սահմանագծման աշխատանքներուն թեքնիքական աջակցութիւն ցոյց տալու վերաբերեալ:
«Մեր կողմէ մենք պիտի շարունակենք աջակցիլ ե՛ւ Ատրպէյճանին, ե՛ւ Հայաստանին», յաւելած է Զախարովան:
