14.09c
Երեվան
կրկ, հկտ 25
Հայաստանի Ազգային անվտանգութեան ծառայութեան գիտաուսումնական կեդրոնին եւ Սահմանապահ զօրքերու հրամանատարութեան նախաձեռնութեամբ՝ համալսարանական ուսանողներ այցելած են Հայաստանի պետական սահման՝ ծանօթանալու սահմանապահ ծառայութեան առանձնայատկութիւններուն, զինուորներու ծառայութեան եւ կենցաղային պայմաններուն։
ԱԱԾ-ի հաղորդմամբ՝ ուսանողները մասնակցած են «Հայաստանի պետական սահմանը» նիւթով բաց դասի, այցելած են սահմանապահ ջոկատ եւ ուղեկալ, ծանօթացած սահմանապահ ծառայութեան մէջ գործածուող արհեստագիտական միջոցներուն եւ ծառայողական շուներու աշխատանքին։
Այցելութեան ընթացքին խումբը եղած է նաեւ «Բագրատաշէն» սահմանային անցակէտին եւ Հայաստան-Ատրպէյճան սահմանազատուած Կիրանցի հատուածին մէջ, ուր ներկայացուած են սահմանապահ ծառայութեան առանձնայատկութիւնները։
