Տարածքներու նկատմամբ ազգային ինքնիշխանութեան պահպանումը ահաբեկչութեան դէմ պայքարի լաւագոյն միջոցն է. Իրանի նախագահը՝ Հաքքան Ֆիտանին

Տարածքներու նկատմամբ ազգային ինքնիշխանութեան պահպանումը ահաբեկչութեան դէմ պայքարի լաւագոյն միջոցն է. Իրանի նախագահը՝  Հաքքան Ֆիտանին

Իրանի նախագահ Իպրահիմ Ռայիսի Թեհրանի մէջ Թուրքիոյ արտաքին գործոց նախարար Հաքան Ֆիտանի հետ հանդիպման ընթացքին ըսած է, որ անհրաժեշտ է հակազդել տարբեր տարածաշրջաններու, անոնց կարգին՝ Կովկասի մէջ օտար պետութիւններու ներկայութեան:

Ինչպէս գրած է ԻՌՆԱ, Իրանի նախագահ այս պարունակին մէջ ընդգծած է տարածաշրջանային պետութիւններու միջեւ խնդիրները երկխօսութեան եւ համագործակցութեան միջոցով լուծելու անհրաժեշտութիւնը:

Անդրադառնալով տարածաշրջանի անվտանգութեան՝ Ռայիսի ահաբեկչութեան դէմ պայքարի ամենաարդիւնաւէտ միջոցը համարած է տարածաշրջանի բոլոր երկիրներու ազգային ինքնիշխանութեան եւ տարածքային ամբողջականութեան նկատմամբ յարգանքը՝ աւելցնելով, որ ցանկացած կառավարութեան՝ իր բոլոր տարածքներու նկատմամբ ազգային ինքնիշխանութեան արդիւնաւէտ իրականացումը ահաբեկչական եւ վտանգաւոր գործողութիւնները կանխելու լաւագոյն միջոցն է։