5.09c
Երեվան
երք, փտր 17
Հայաստանի եւ Արցախի առջեւ ծառացած չափազանց բարդ մարտահրաւէրներու պարագային, այս իշխանութիւնները ամբողջ աղբիւրը կեդրոնացուցած են ընդդիմադիրները հետապնդելու, խոշտանգելու, ամէն գնով կալանաւորելու եւ գերագոյն ճիգերով կալանքի մէջ պահելու գործին: Բացառապէս իրենց քաղաքական հայեացքներու համար կալանաւորուած են Առուշ Առուշանեանը, Մանուէլ Փարամազեանը, Նարեկ Մանթաշեանը եւ Գառնիկ Իսակուլեանը:
Այսօր, արդէն, չենք զարմանար նոյնիսկ դատաւորին արդարադատութեան իրականացման համար կալանաւորելէ: Սա իրաւական խայտառակութեան նոր նշաձող է: Սա դատական համակարգի անկախութեան վերացման յատուկ գործողութիւն է եւ կալանքով ահաբեկման նոր ալիք: Կատարուողը իրաւական պետութեան քայքայումն է՝ միջազգային կառոյցներու լուռ աջակցութեամբ:
Այս ամէնը ցոյց կու տայ, որ իշխանութիւնը թոյլ ու անկարող է բարդ մարտահրաւէրները դիմակայելու համար: Անոր փոխարէն, կ'ընեն ամէն ինչ՝ ներսը դիմադրութիւնը կոտրելու նպատակով: Ակնյայտ է, որ այսօր թիւ մէկ գլխացաւանքներու շարքին իշխանութիւնն է։
Այս գործընթացները չեն կրնար երկար տեւել, անոնք, ի վերջոյ, պիտի մօտենան վախճանին, քանի որ ապօրինութիւններու այս ծաւալը ոչ մէկ իշխանութիւն կրնայ մարսել: Շուտով պիտի գայ պատասխան տալու ժամանակը:
