-3.91c
Երեվան
հնգ, նմբ 30
Աւստրալիոյ մէջ բնակութիւն հաստատած մեր հայրենակից Սարգիս Ետելեանը, որ թուականէն ասդին կը գործէ հանրային ոլորտին մէջ ստանձնելով վարչական պատասխանատու պաշտօններ օրերս դարձեալ ընտրուած է Ռայտ քաղաքի փոխքաղաքապետ։
Այս մասին «Արեւելք» տեղեկացաւ Մոնթրէալի «Հորիզոն»էն։
Ստորեւ կը ներկայացնենք համառոտ լրատւութիւնը եւ յաջողութիւն կը մաղթենք Աւստրալիոյ մէջ հայութեան ձայնը բարձր պահող գործիչ՝ Սարգիս Ետելեանին։
Սարգիս Ետելեան ընտրուած է Աւստրալիոյ Ռայտ քաղաքի փոխքաղաքապետ: Ան քաղաքապետական խորհուրդին մէջ ամէնէն երկարատեւ ծառայած անձն է, եւ առաջին անգամ իբրեւ անկախ խորհրդական խորհուրդի անդամ ընտրուած է մարտ 2004-ին:
Ետելեան վերջին տասնամեակին ներկայացուցած է Ազատական կուսակցութիւնը եւ 2007-ին ու 2008-ի ընտրուած է փոխքաղաքապետ: Ան Լիբանանէն Աւստրալիա գաղթած է 1979-ին:
2009-ին պարգեւատրուած է Աւստրալիոյ կարգի մետալով` բազմամշակութային համարկման նախաձեռնութիւններու ջատագովման ու զարգացման ճամբով հայ համայնքին ու տեղական կառավարութեան իր մատուցած ծառայութիւններուն համար:
