13.09c
Երեվան
երկ, մյս 18
Ռուսիոյ եւ Պահրէյնի արտաքին գործոց նախարարներ Սերկէյ Լաւրովը եւ Ապտել Լաթիֆ ալ-Զայանին հեռախօսազրոյցի ընթացքին քննարկած են Պարսից ծոցի իրադրութիւնը՝ Իրանի շուրջ հակամարտութեան լոյսի ներքոյ։ Ինչպէս կը հաղորդէ «Ինթըրֆաքս»-ը, այս մասին յայտարարած է Ռուսիոյ արտաքին գործոց նախարարութիւնը։
«Զրոյցի ընթացքին հիմնական ուշադրութիւնը յատկացուած է Պարսից ծոցի գօտիին մէջ իրադրութեան զարգացումներուն՝ լայնածաւալ զինուած հակամարտութեան պայմաններուն մէջ, որ Իրանի դէմ Միացեալ Նահանգներու եւ Իսրայէլի կողմէ չհրահրուած յարձակումի հետեւանք է»,– ըսուած է հաղորդագրութեան մէջ։
«Արտաքին քաղաքական գերատեսչութիւններու ղեկավարները ընդգծած են ռազմական գործողութիւնները շուտափոյթ դադրեցնելու եւ բանակցային գործընթաց սկսելու անհրաժեշտութիւնը՝ ողջամիտ փոխզիջումային լուծումներ գտնելու նպատակով»,– նշուած է յայտարարութեան մէջ։
Կողմերը անընդունելի նկատած են խաղաղ բնակչութեան եւ կարեւոր ենթակառուցուածքներու թիրախաւորումը։
Լաւրով վերահաստատած է Մոսկուայի պատրաստակամութիւնը՝ օգտագործելու բոլոր հնարաւորութիւնները Մերձաւոր Արեւելքի մէջ իրադրութեան կայունացման նպաստելու համար։
