2.09c
Երեվան
երք, փտր 03
Աւելի քան հազար ծանր բեռնատար կուտակուած է Ռուսիոյ անցակէտի առջեւ՝ սպասելով երկրէն Վրաստան մեկնելուն։ Նման տուեալներ հրապարակած է Հիւսիսային Կովկասի մաքսային վարչութիւնը։
Վրաստանի տարածքին եղանակային պայմաններու վատթարացման պատճառով 14 մարտի ժամը 01:30-էն արգիլուած է բոլոր տեսակի փոխադրային միջոցներու երթեւեկութիւնը Ռազմավիրական ճանապարհով։ Վրաստանի մէջ անցակէտի առջեւ կուտակուած է 1 046 մեծաբեռնատար եւ 10 մարդատար մեքենայ։
Վրաստանի անցակէտին մէջ հերթի կանգնած է 27 մեծաբեռնատար, մարդատար մեքենաներու հերթ չկայ: Ռազմավիրական ճանապարհը Վլատիկավկազէն Թիֆլիս կը տանի Գլխաւոր Կովկասեան լեռնաշղթայով՝ Ռուսիան կապելով Վրաստանի եւ Անդրկովկասի միւս երկիրներու հետ։
«Կազբեկ-Վերին Լարս»ը վրաց-ռուսական սահմանի միակ գործող անցակէտն է։ Ռուսական հատուածին մէջ մայրուղին կ'անցնի Հիւսիսային Օսիայի տարածքով։ Ձմրան ճանապարհը յաճախ կը փակուի վատ եղանակի պատճառով:
