13.09c
Երեվան
շբթ, հկտ 10
Հայաստանի մէջ Եւրոպական Միութեան պատուիրակութեան ուղերձը.
Շնորհաւո՛ր ծնունդդ, 2808-ամեայ Երեւան։
Քաղաք, ուր պատմութիւնն ու մշակոյթը կը միահիւսուին, իսկ նոր գաղափարներն ու կարելիութիւնները ճամբայ կը բանան դէպի նոր հորիզոններ։
ԵՄ-Հայաստան գործակցութեան շրջածիրէն ներս մենք աջակցած ենք քաղաքի ջրամատակարարման բարելաւման՝ «Երեւանի ջրամատակարարման բարելաւում» ծրագիրին միջոցաւ, կլիմայի եւ ուժանիւթի մարզերուն մէջ ձեռնարկներու խթանման՝ «Քաղաքապետերու դաշնագիր»ի շրջածիրէն ներս, հանրային շէնքերու արդիականացման եւ ուժանիւթի արդիւնաւէտութեան բարձրացման՝ «Երեւանի ուժանիւթի արդիւնաւէտութեան ծրագիր»ին միջոցաւ, ինչպէս նաեւ մայրաքաղաքի փոխադրամիջոցներու աշխատանքի բարելաւման եւ արդիականացման։
Վերջին շրջանին աջակցած ենք նաեւ օդի որակի բարելաւման՝ «Մաքուր օդ՝ յանուն առողջութեան եւ կանաչ աճի Հայաստանի մէջ» (EU4Clean Air) ծրագիրին միջոցաւ, ներառեալ՝ օդի որակի հսկողութեան կայաններու ստեղծման եւ համապատասխան քաղաքականութեան մշակման աջակցութիւնը։
Մենք կը շարունակենք աշխատիլ՝ նպաստելու համար, որ Երեւանը դառնայ աւելի կայուն քաղաք, շարունակէ զարգանալ, նոր կարելիութիւններ ստեղծէ իր բնակիչներուն համար եւ աւելի սերտ կապեր հաստատէ Եւրոպայի հետ։
