8.09c
Երեվան
ուրբ, ապր 04
Պոլսոյ Աթոռանիստ Մայր Եկեղեցւոյ մէջ օրերս տեղի ունեցած է Աւագութեան աստիճանի տւչութիւն համայնքին մէջ սիրուած եւ յարգուած երկու արժանի քահանայ հայրերու՝ Տէր Զօհրապ Քահանայի եւ Տէր Զաքար Քահանայի։
Ասոր մասին «Արեւելք» իմացաւ Պոլսոյ «Ակօս» պարբերականէն։
Ստորեւ տրուած հաղորդագրութիւնը՝
Սրբոց Ղեւոնդեանց Քահանայից տօնին առթիւ Ս. Աստուածածին Աթոռանիստ Մայր Տաճարի մէջ 25 Փետրուար 2025, Երեքշաբթի առաւօտ կատարուեցաւ մեծահանդէս արարողութիւն, նախագահութեամբ Ն.Ա.Տ. Սահակ Բ. Պատրիարք Հօր, իր շուրջն ունենալով Պատրիարքական Աթոռի հոգեւորականաց դասը։
Ս. Պատարագը մատուցեց Արժ. Տ. Զաքար Քհնյ. Քոփարեան։ Ս. Սեղանին սպասարկեցին՝ սարկաւագներ եւ դպիրներ։ Երգեցողութիւնները կատարեցան քահանայից դասու անդամները, առաջնորդութեամբ՝ Արժ. Տ. Գրիգոր Աւ. Քհնյ. Տամատեանի եւ երգեհոնահարութեամբ՝ Բրկ. Էտվին Յարութիւն Սրկ. Կալիպեանի։
Յաւարտ Ս. Պատարագի, Նորին Ամենապատուութիւնը իրենց քահանայական օծման քսանամեակին, աւագութեան պատիւ շնորհեց Արժ. Տ. Զօհրապ Քհնյ. Ճիվանեանին եւ Արժ. Տ. Զաքար Քհնյ. Քոփարեանին։
