28.09c
Երեվան
երք, հլս 15
ԱՄՆ նախագահ Ճօ Պայտըն Այովա նահանգին մէջ ունեցած ելոյթի ժամանակ Ռուսաստանի առաջնորդ Վլատիմիր Փութինը անուանած է «բռնապետ», իսկ Ուքրանիոյ մէջ Ռուսաստանի իրականցուցած յատուկ ռազմական գործողութիւնը` «ցեղասպանութիւն»:
ԱՄՆ նախագահին յայտարարութիւնը հնչած է, երբ ան ափսոսանք յայտնած է կազի գինի թանկացման առնչութեամբ:
«Ձեր ընտանեկան պիւտճէ, ինքնաշարժին պենզինը լիցքաւորելու ձեր կարողութիւնը պէտք չէ կախուած ըլլան անոնցմէ, թէ արդեօք բռնապետը պատերազմ կը յայտարարէ եւ ցեղասպանութիւն կը կատարէ աշխարհի միւս ծայրին մէջ», բառացի ըսած է Պայտընը:
Աւելի ուշ, նախքան Ուաշինկթըն թռչիլը, Սպիտակ տան ղեկավարը մեկնաբանած է իր խօսքերը. «Ես այդ անուանեցի ցեղասպանութիւն, քանի որ աւելի ու աւելի պարզ կը դառնայ, որ Փութինը պարզապէս կը փորձէ ոչնչացնել ուքրանացի ըլլալու գաղափարը: Եւ ապացոյցները կ'աճին: Մենք միջազգային մակարդակով իրաւաբաններուն թոյլ պիտի տանք որոշելու` արդեօք այդ կրնա՞յ համապատասխան որակաւորուոլ, թէ՞ ոչ, բայց ինծի համար այդ այդպէս է», ըսած է Պայտըն:
