3.09c
Երեվան
չրք, մրտ 04
Հայաստանի վարչապետ Նիկոլ Փաշինեան հեռաձայնային զրոյց ունեցաւ Միացեալ Նահանգներու արտաքին գործոց նախարար Էնթընի Պլինքընի հետ։ Լուրը փոխանցեց կառավարութեան տեղեկատուական բաժինը։
Անոնք քննարկեցին տարածաշրջանին մէջ հաստատուած իրադրութեան, Հայաստանի եւ Ատրպէյճանի միջեւ խաղաղութեան համաձայնագիրին շուրջ ընթացող բանակցութիւններուն, արցախահայութեան իրաւունքներու եւ ապահովութեան երաշխաւորման համար անհրաժեշտ քայլերուն վերաբերող հարցեր, ներառեալ՝ միջազգային ներգրաւումով Պաքու-Ստեփանակերտ երկխօսութեան անհրաժեշտութիւնը:
Փաշինեան անդրադարձաւ Ատրպէյճանի կողմէ Լաչինի միջանցքի փակման պատճառով Արցախի մէջ ստեղծուած մարդասիրական ճգնաժամի խորացման եւ զայն յաղթահարելու անհրաժեշտ քայլերուն:
Անոնք ընդգծեցին տարածաշրջանին մէջ կայունութեան եւ խաղաղութեան ապահովման ուղղութեամբ հետեւողական ջանքերու անհրաժեշտութիւնը:
Փաշինեան վերահաստատեց Հայաստանի կառավարութեան հաւատարմութիւնը՝ խաղաղութեան օրակարգին:
