13.09c
Երեվան
ուրբ, ապր 03
Շինիչ գործակցութեան եւ հաղորդակցութեան կապերը ամրապնդելու ծիրին մէջ, Տըպպայէ-Զուք Խրապ-Աուքար-Հարեթ Պըլլանի քաղաքապետութենէն պատուիրակութիւն մը այցելեց «Շաղզոյեան» կեդրոն, ուր տեղի ունեցաւ հանդիպում մը` մասնակցութեամբ քաղաքապետարանի ներկայացուցիչներուն եւ շարք մը քաղաքական ու քաղաքապետական դէմքերու:
Հանդիպումին մասնակցեցան ՀՅԴ Լիբանանի Կեդրոնական կոմիտէի ներկայացուցիչ Ալպեր Պալապանեան, Պուրճ Համուտի քաղաքապետ Մարտիկ Պօղոսեան եւ նախկին նախարար Աւետիս Կիտանեան:
Հանդիպումի ընթացքին քննարկուեցան շարք մը կարեւոր հարցեր, որոնց շարքին` գնումի ընդհանուր օրէնքն ու քաղաքապետութիւններու աշխատանքը կարգաւորող օրէնքները:
Ներկաները անհրաժեշտ նկատեցին քաղաքապետութիւնները աւելի կարող դարձնել` գործադրելով վարչական ապակեդրոնացման դրութիւնը, ինչ որ կ՛ամրապնդէ անոնց անկախութիւնն ու կարողութիւնները` աւելի ազդու եւ յարատեւ կերպով ծառայելու քաղաքացիներուն:
Հանդիպումը առիթ մը եղաւ ամրապնդելու Տըպպայէ-Զուք Խրապ-Աուքար- Հարեթ Պըլլանի քաղաքապետութեան եւ Պուրճ Համուտի քաղաքապետութեան միջեւ կապերը, ինչպէս նաեւ վերանորոգելու գործընկերութիւնն ու գործակցութիւնը ՀՅԴ-ի հետ, որ քաղաքապետական վերջին ընտրութիւններուն քաղաքապետական խորհուրդի հիմնական աջակիցներէն էր:
Քաղաքապետական խորհուրդը կը շեշտէ կարեւորութիւնը այսպիսի երկխօսական հանդիպումներու, որոնք կը նպաստեն միացեալ աշխատանքին եւ քաղաքապետական աշխատանքի զարգացման` ի շահ շրջանի բնակիչներուն:
Լուրը՝ «Ազդակ»էն
